Í Svøríki eru meira enn 130.000 ungfólk, sum hvørki arbeiða ella eru í útbúgving. Fyri at hjálpa hesum ungdómi eru try farin undir ESF-verkætlanina FolkisUng, sum skal vegleiða tey ungu at fáa sær arbeiði ella at fara undir eina útbúgving.
Tað er svenska Folkbildningsrådet, sum í samstarvi við átta fólkaháskúlar stendur fyri at fremja verkætlanina. Verkætlanin bjóðar ungdómi at taka ískoytisútbúgving í máli í einum umhvørvi, sum er lagað til tey ungu, sum annars ikki trívast í einum vanligum skúlaumhvørvi.
“Endamálið er at geva teimum ungu kunnleika, sjálvsálit og framtíðarvónir saman við stuðli frá hjálparfólki, sum taka sær av samlaðu lívsstøðuni hjá teimum ungu.”
Fólkaskúlin Skurup og Fridhem í Malmø bjóðar einstaklingatillagaðan lesnað, ráðgevarastuðul, og eina leið aftur til útbúgving, sum longu hevur víst positiv úrslit.
„Tá tey byrja hjá okkum, eru tey rættiliga ómotiverað og hava ikki nógv álit á nakrari skúlaskipan. Nógv hava sálarligar og sosialar trupulleikar,“ sigur Angela, lærari á skúlanum.
Fleiri luttakarar hava gjørt merkilig framstig, eitt nú ein ungur maður, sum nú heldur fram við lesnaðinum eftir at hava fingið stuðul frá verkætlanini. Fyrr var hann ógvuliga ómotiveraður, nú situr hann fremst í floksstovuni.
„Fyrr tordi eg ikki at lesa hart í flokkinum. Eg bleiv stressaður. Men nú kenni eg meg heima,“ sigur hann.
Les meira her!
